|
* Zarf ko us ke aazmae kaun,Aaeena us ko ab dikhae kaun *
Zarf ko us ke aazmae kaun,Aaeena us ko ab dikhae kaun
Sab hi jab teergi pasand huae,rah guzar par dia jalae kaun
Loot, dhashat, fasaad ,bud haali, ho gaee hae ajab zuboN haali
So gae haeN yeh rahbaraan e watan,mas’alah hae inheN jagaae kaun
Jab se raqs e khizaaN hua jaari, Hoo ka alam chaman pa hae taari
Chup huae andaleeb e gulshan bhi,naghma e jaaN fizaa sunae kaun
Dard ke saath din bitate hoN, jab na bilkul sukoon paate hoN
Dil na khush ho to aese aalam meiN tum bataao ke muskurae kaun
Barq ka mustaqil thikaana hae, aandhiyoN ka bhi aana jaana hae
Jane kab phoonk deN nasheeman yeh,aashiyanaa yahaN banae kauN
Bojh hans hans ke woh utha te the,apne kaandhoN pa bhi gumate the
Mas'ala ban gaya yeh betoN meiN, Bojh maaN baap ka uthae kauN
Ek ishaare pa pahle aata tha, baat masaud maan jaata tha
Ab to us ke hazaaroN nakhre haeN,chaand ko chat pa ab bulae kau
***** |
|