* uski haalat mujh se behtar hae to hae *
uski haalat mujh se behtar hae to hae
Ashk_ gham mera muqqadar hae to hae
Cho'r kar jab aa gaye hum gaaoN ko
Ye agar shahr_sitamgar hae to hae
Kwaab bhii keya dekhna ab cho'r deN
zindagi kaantoN ka bistar hae to hae
Hum kabhi bhii sar jhukaayeN ge nahiN
Haath meiN logoN ke patthar hae to hae
HaaN,pahuNch kar hii rukeN ge dekhna
Laakh pahra us ke dar par hae to hae
Le ke aayeN ge yahaaN ik inqilaab
Saamne soolii ka manzar hae to hae
Fasl ulfat kii uge gii aek din
Aaj dharti maana banjar hae to hae
Us se kiyuN Masaud rishta tod looN
Bhaii ke haathoN meiN khanjar hae to hae
***** |