حمد

عشق کے عین میں رکھ بندۂ رحمان بنا
میری رگ رگ میں اُتر ذاکرِ یزدان بنا

میرا دل طور کے جلتے ہوئے میزان میں رکھ
میرا لہجہ شبِ عاشور کا پیمان بنا

نشۂ رمز سلونی مئے ادراک میں رکھ
دل مرا بولتے قرآن کا جزدان بنا

نعت کا جامِ ولا لب کے بیابان میں رکھ
ربِ جبریل کرم کر مجھے برہان بنا

موجِ کوثر کی روانی مرے اشعار میں رکھ
سانس کو خوشبوئے طوبی کا زمستان بنا

خاکِ سدرہ کی مہک میرے خد و خال میں رکھ
زیر نعلین میرے عشق کو مہمان بنا

میرے اظہار کو الہام کی آغوش میں رکھ
میرا چہرہ کسی تعبیر کا عنوان بنا

معصومہ شیرازی

Fatmiyah College
271, Britto Road, Near Numaish, Karachi
Email: masoomasherazi@yahoo.com
بشکریہ ’’غزالانِ حرم‘‘ مرتب: مشتاق دربھنگوی
……………………………………