Muddaii laakh buraa chaahe to kyaa hotaa hai,
vahii hotaa hai jo manzuur-e-Khudaa hotaa hai.

Surkhruu hotaa hai insaaN ThokareN khaane ke baad,
rang laatii hai hinaa patthar pe pis jaane ke baad.

Voh phuul sar chaRhaa jo chaman se nikal gayaa,
izzat use milii jo vatan se nikal gayaa.

Haqiiqat chhup nahiiN saktii banaavaT ke usuuloN se,
ki Khushbuu aa nahiiN saktii kabhii kaaGhaz ke phuuloN se.

MiTaa de apnii hastii ko gar kuchh martabaa chaahe,
ki daana Khaak meN mil kar gul-o-gulzaar hotaa hai.