جب نبیؐ کی نعت میں مصروف ہوتا ہے قلم 
کیسے کیسے خوش نما موتی پروتا ہے قلم 

مغفرت کی التجا کرتا ہے کاغذ کے سپرد
معصیت کے اگلے پچھلے داغ دھوتا ہے قلم 

کم نہیں خارِ مغلیان عرب سے اس کی نوک 
جس کو یورپ کے کف پا میں چبھوتا ہے قلم 

اس کی ہر جنبش کا فریادی ہوا پاپائے روم 
جس سے بیڑا اس کا قلزم میں ڈبوتا ہے قلم 

ہنسنے لگتے ہیں معانی کے خیابانوں کے پھول
ابرِ نیساں کی طرح جس وقت روتا ہے قلم 

جن کی قسمت کے جگانے میں ہے سرف اک اصریر 
پاؤں پھیلا کر اب ان کی طرح سوتا ہے قلم 

راہِ حق میں ست کٹا کر بھی نہ چلنے سے رُکا 
جاودانی زندگی کابیج بوتا ہے قلم