صدر ہیں قانون کے ایواں کے سر عبدالرحیم 
جس کے ہر گوشے پہ رکھتے ہیں نظر عبدالرحیم 

حق شناس و حق شعار و حق نواز و حق پرست 
ڈھا چکے ہیں سینکڑوں باطل کے گھر عبدالرحیم 

کانگریس ہو لیگ ہو ہندو ہو یا انگریز ہوں
دیکھتے ایک آنکھ سے ہیں سب کو سر عبدالرحیم 

بات اگر سچی ہو اور اس کا ناگزیر 
سب میں کہہ دیتے ہیں بے خوف و خطر عبدالرحیم 

مجلسِ وضع قوانین میں ہو بھٹیاروں کا رنگ 
میر مجلس ہوں نہ قسمت سے اگر عبدالرحیم 

ضابطہ کو توڑتا ہو گر حکومت کا غرور 
اٹھ کے ہو جاتے ہیں خود اس کے بھی سر عبدالرحیم