Unjaney nagar mun maney they, mun maney nagar unjane rahey
apni baatoo.n ki masti main
suntey rahey dill ki basti main
wohi geet jo kuch mun maney rahey wohi raag jo sukh k bahaney rahey
raatain beetee.n, din beet gai
raat bhi naey, phir din bhi naey
murakh mun aisa hateela hay, isey yaad wo rang purane rahey
unhooni ka jaise dheyaan na raha
honi nay usey chupke sey kaha
na wo baatain rahee.n na wo zamaney rahey, jo rahey bhi tu baaqi fasane rahey
ab geet main rus tapkatey hain
yoon dill ki aag bujhatey hain
ab sukh ki taan sunaai di
aik duniya nai dikhlaai di
ab sukh nay badla bhaiss naya
ab dekhain gai hum dess naya
jab dill nay Raam duhaai di
ik duniya nai dikhaai di
is dess main sab unjane hain
apney bhi yahan beganey hain
peetum nay sab sey rihaai di
ik duniya nai dikhaai di
har rung naya har baat nai
ab din bhi naya aur raat nai
ab chain ki rah samjhaai di
ik duniya nai dikhaai di
ab apna mehel banain gai
ab aur k dar pe na jain gai
ik ghar ki rah samjhaai di
ik duniya nai dikhaai di