* Gham e ulfat men jaan dii hotii *
Gham e ulfat men jaan dii hotii
Khizr kii umr mil gaii hotii
Taaqat e intizaar thii ki na thii
Jurrat e intizaar kii hotii
Na huaa husn multafit, varnaa
Dil kii duniya badal gaii hotii
Zabt e gham men labon kaa hilnaa kyaa
Bezubaan aankh multajii hotii
Mashviraa tark e mai kaa theek magar
Sheikh, tuu ne kabhii to pii hotii
Jaan dete khushi se maut agar
Kaashif e raaz e zindagii hotii
Gungunaataa koii “Zia” kii ghazal
Aur fizaa saaz chherhtii hotii
************* |