تماشا ہے سب کچھ ، مگر کچھ نہیں

تماشا ہے سب کچھ ، مگر کچھ نہیں 
سواۓ فریب نظر کچھ نہیں 
زمانہ یہ ہے رقص ذرّات کا 
حکایات شمس و قمر کچھ نہیں 
ستاروں سے آگے مری منزلیں 
بلا سے اگر بال و پر کچھ نہیں 
محبّت کی یہ محویت، کیا کہوں 
وہ آے تو اپنی خبر کچھ نہیں 
مرا شوق منزل ہے شابت قدم 
کوئی رہزن و راہبر کچھ نہیں 
محبّت ہے انسان کی آبرو 
بغیر محبّت بشر کچھ نہیں 
ضیاء تو مریض غم عشق ہے 
علاج اس کا اے چارہ گر کچھ نہیں 
****