Yeh kis sada pe qadam raah badalne lagte hai'n
lage jo aankh to khawbo'n mei'n chalne lagte hai'n

mai'n apni payas ko dafnana chahta hoo'n jaha'n
isi zameen se chashme ubalne lagte hai'n

andheri raat mei'n is ka khayal aate hii
jabee'n pe chand sitare nikalne lagte hai'n

yehi nahi ke chiragho'n ko neend aati hai
hawa ke lams se ham bhi pighalne lagte hai'n

yeh kaun ham pe barasta hai abr ki soorat
chiraghe hajr ki jab lau mei'n jalne lagte hai'n