* وہ اک طاقت جو ہے اس ارض فانی کی بڑی ط *
(مراق مرزا( ممبئی)
وہ اک طاقت
جو ہے اس ارض فانی کی
بڑی طاقت
تباہی کے سبھی ہتھیار
جس کے اسلحہ خانوں میں ہیں موجود
دبانا چاہتی ہے جو
جھکانا چاہتی ہے جو
سبھی دنیا کی قوموں کو
جسے یہ ہے غلط فہمی
کہ وہ کرتی ہے دنیا کے مسائل حل
مگر سچ ہے کہ یہ طاقت ہی
خود اک مسئلہ ہے
عراق، افغان کے بدلے ہوئے منظر کے
پیچھے کس کا چہرہ ہے؟
یہ طالبان ہیں کیا؟
اور کہاں سے آئے ہیں یہ؟
اسی طاقت نے تو جنما ہے ان کو
حقیقت میں یہی طاقت ہے دہشت گرد!!
٭٭٭
|