Dil se terii nigaah jigar tak utar gaii 
donon ko ik adaa mei’n razaamand kar gaii 

shaq ho gayaa hai siinaa khushaa lazzat-e-faraagh
takleef-e-pardaadaarii-e-zakhm-e-jigar gaii 

vo baadaa-e-shabaanaa kii saramastiyaan kahaa’n 
uthiye bas ab ke lazzat-e-khwaab-e-sahar gaii 

udatii phire hai Khaak merii kuu-e-yaar mei’n 
baare ab ai havaa, havas-e-baal-o-par gaii 

dekho to dil farebi-e-andaaz-e-naqsh-e-paa 
mauj-e-Khiraam-e-yaar bhii kyaa gul katar gaii 

har bulahavas ne husn parastii shiaar kii 
ab aabaruu-e-shevaa-e-ahal-e- nazar gaii 

nazzaare ne bhii kaam kiyaa vaa naqaab kaa 
mastii se har nigah tere rukh par bikhar gaii 

fardaa-o-dii.n kaa tafarruuqaa yak baar mit gayaa 
kal tum gae ke ham pe qayaamat guzar gaii 

maaraa zamaane ne 'Asadullah Khaan" tumhen 
vo valavale kahaa’n, vo javaanii kidhar gaii