* Gham-e-duniyaa se gar paaii bhii fursat sar uthaane kii *
Gham-e-duniyaa se gar paaii bhii fursat sar uthaane kii
falak kaa dekhanaa taqariib tere yaad aane kii
khulegaa kis tarah mazmuun mere maktoob kaa yaarab
qasam khaaii hai us kaafir ne kaaghaz ke jalaane kii
lipatanaa paraniyaan mein sholaa-e-aatish kaa aasaan hai
vale mushkil hai hikamat dil mein soz-e-gham chhupaane kii
unhe’n manzoor apane zakhmiyo’n kaa dekh aanaa thaa
uthe the sair-e-gul ko dekhanaa shokhii bahaane kii
hamaarii saadagii thii iltafaat-e-naaz par marnaa
teraa aanaa na thaa zaalim magar tamhiid jaane kii
laqad-kob-e-havaadis kaa tahammul kar nahiin saktii
merii taaqat ke zaamin thii buton ke naaz uthaane kii
kahuu’n kyaa khuubi-e-auzaagh-e-ibnaa-e-zamaan "Ghalib"
badii kii usane jis se hamane kii thii baarahaa nekii
|