Hai bas ki har ik unake ishaare mein nishaan aur 
karate hai.n muhabbat to guzarataa hai gumaa’n aur 

yaa rab vo na samajhe hai’n na samajhenge merii baat 
de aur dil unako jo na de mujhako zubaan aur 

abruu se hai kyaa us nigaah -e-naaz ko paiband 
hai tiir muqarrar magar usakii hai kamaa aur 

tum shahar mei’n ho to hamei’n kyaa gham jab uthenge 
le aayenge baazaar se jaakar dil-o-jaan aur 

har chand subukdast hue butshikanii mei’n 
ham hain to abhii raah mein hai sang-e-giraan aur

hai Khuun-e-jigar josh mei’n dil khol ke rotaa 
hote kaii jo diidaa-e-Khuu.Nnaabafishaan aur 

martaa huun is aavaaz pe har chand sar ud jaaye 
jallaad ko lekin vo kahe jaaye ki haan aur 

logon ko hai khurshiid-e-jaha‘n taab kaa dhokaa 
har roz dikhaataa huu’n mai’n ik daagh-e-nihaa’n aur 

letaa na agar dil tumhen detaa koii dam chain 
karataa jo na marataa koii din aah-o-fughaan aur 

paate nahii.n jab raah to chad jaate hai’n naale 
rukatii hai merii tabaa to hotii hai ravaa’n aur 

hain aur bhii duniyaa mei’n sukhanavar bahut achchhe 
kahate hain ki 'Ghalib' kaa hai andaaz-e-bayaa’n aur