* Koi hai sarsabz lekin koi pila paat hai *
Ghazal numa
Koi hai sarsabz lekin koi pila paat hai
Ek sab ki zat hai
Firqa bandi , kusht-o-khoo’n wa ghundah gardi ka tareeq
Aap ki soghaat hai
Aap suli par charhaade’n phir bhi mai’n sach hi kahoo’n
Raat hai to raat hai
Perh par jhule parhe hai’n garahi hai’n goraiya’n
Gao’n me’n barsaat hai
Hath me’n tirshul bhaale ,phir ahinsa ke amin!
Yeh bhii koii baat hai
Ketne sarkash ho gaye zer-o-zabar shakir yaha’n
Shah ko bhi maat hai
|