rishta online logo
newsletter
rosemine
Bazme Adab
Google   Site  
Bookmark and Share 
design_poetry
Share on Facebook
 
Mohammed Farhathullah Khan
 
Share to Aalmi Urdu Ghar
* dushmani ka iraada sada chhoD do *

dushmani ka iraada sada chhoD do
chhoTi si zindagi hai gilaa chhoD do

bhool jaayeN sabhi sham'a parwaane ko
kar ke donoN ko ... ... aise juda chhoD do

taazgi yuN muhabbat meiN apni rakho
darmiyaaN meiN zara faasla chhoD do

jis ki khaatir ... hazaaron ke sar kaT gaye
hum se kehte ho woh walwala chhoD do

asliyat khul gayi ... tum ho zaalim bahut
kehna mazloom ka barmalaa chhoD do

har saza hai tumhaari gawaara magar
rooTh jaane ki ... qaatil adaa chhoD do

saath jeene ka hai khwaab dono taraf
aane jaane ka bas raastaa chhoD do

haadisoN ki hai bharmaar Farhat! yahaN
apni jeboN meiN ... apna pata chhoD do


- Mohammed Farhathullah Khan 'Farhat'
Jeddah, KSA

 
Comments


Login

You are Visitor Number : 721