|
* Nawak andaaz jidhar dida-e-jana'n honge, *
Nawak andaaz jidhar dida-e-jana'n honge,
nim-bismil kai honge kai bejaan honge,
tab-e-nazara nah'in aina kya dekhne du'n,
aur ban jayenge taswir jo haira'n honge,
tu kaha'n jayegi kuchh apna thikana kar le,
ham to kal khwab-e-adam mei'n shab-e-hijra'n honge,
phir bahar aaii wahi dasht-e-nawardi hogi,
phir wahi pao'n wahi khar-e-mughla'n honge,
nasiha dil mei'n tu itna to samajh apne ke ham,
lakh nadan huye kya tujh se bhi nadan honge,
ek ham hai'n ke huye aise pasheman ke bas,
ek wo hai'n ke jinhe'n chah ke arma'n honge,
minnat-e-hazrat-e-isa na uthayenge kabhi,
zindagi ke liye sharminda-e-ehsa'n honge,
umr to sari kati ishq-e-buta'n mei'n "Momin"
ab akhiri waqt mei'n kya khak musalama'n honge.
|
|