|
* Ghazal numa ghazal se kuchh alag to hai *
Ghazal numa
Ghazal numa ghazal se kuchh alag to hai,
Pharhakti unki rag to hai.
Khayale zaid me’n magar bakar ka zikre khair kiyo’n,
Kahi’n pe koi thag to hai.
Agarche uski khirhkiya’n har aadmi pe band hai’n ,
Gali me aik sag to hai .
Ishare wali ungliya’n khamosh hai’n to kya hua,
Anguthiyo’n me nag to hai.
Ghazal ki bhirh bhaarh me’n ghazal numa pe ghaur kar,
Miya’n yeh kuchh alag to hai.
|
|