Kaisaa chalan hai gardish-e-lail-o-nahaar kaa
shikavaa har ek ko hai Gham-e-rozagaar kaa

Tootii jo aas jal gaye palkon pe sau chiraagh
nikharaa kuchh aur rang shab-e-intazaar kaa

is zindagii ii ham se haqiiqat na puuchhiye
ik jabr jis ko naam diyaa Ikhtiyaar kaa

ye kaun aa gayaa merii bazm-e-Khayaal men
puuchaa mizaaj kisane dil-e-sogavaar kaa

dekho phir aaj ho na jaaye kahiin Khuun-e-aitamaad
dekho na Toot jaaye fusuun aitabaar kaa