|
* TADAP KO HAMNAWA ROOH O BATAN KO KARBALA KAR LO *
TADAP KO HAMNAWA ROOH O BATAN KO KARBALA KAR LO
ZARA KUCHH DER KO MAAZI SE BHI KUCHH SILSILA KAR LO
SIYAAHI JO NIGAL JAAEY SARAASAR ROSHNI KO BHI
TO PHIR HAQ HAI KAHA'N BAATIL HAI KYA KHUD FAISLA KAR LO
IBAADAT NAMUKAMMAL HAI, ADHOORA HAI HAR IK SAJDA
ASAAS E ZEHN O DIL KO BHI NA JAB TAK MUBTILA KAR LO
THAKAN KO PAAON KI BEDI BANA LENE SE KYA HOGA
SAFAR AASAN HO JAAEGA, THODA HAUSLA KAR LO
YAHI TANHAAI TUM KO LE KE PHIR JAAEGI MANZIL TAK
JUNOO'N KO RAAHBAR KAR LO, KHUDI KO HAMNAWAA KAR LO
BALANDI BHI JHUKEGI HAUSLE KE SAAMNE BESHAK
JO KHU PARWAAZ KO, KAAWISH KO APNA MASHGHALA KAR LO
SULAG UTTHE HAR IK EHSAAS, HAR IK ZAKHM KHIL UTTHE
AGAR APNI TAMANNAO'N SE BHI KUCHH RAABTA KAR LO
ZAMANE BHAR SE NAALAA'N HO, SHIKAAYAT HAI KHUDA SE BHI
KABHI 'MUMTAZ' APNE AAP SE BHI TO GILA KAR LO
****************** |
|