|
* JAAGTI AANKHON MEN UTRA ROOH KE ANDAR GAYA *
JAAGTI AANKHON MEN UTRA ROOH KE ANDAR GAYA
PHIR WO IK EHSAAS IS DIL KO MUNAWWAR KAR GAYA
KIS QADAR TAAREEK MERE ZEHN O DIL KO KAR GAYA
ZEEST SE MERI HAMESHA KE LIYE KHAAWAR GAYA
ULJHANEN, RAAHAT, SUKOOn, BECHAINIYAAn, RAANAAIYAAn
DIL KE IK SAADA WARAQ PAR RANG KITNE BHAR GAYA
IS TAZAAD E ZEHN NE KYA KYA SATAAYA HAI HAMEN
JIS GALI SE THA GUREZAAn, DIL WAHIN AKSAR GAYA
ALVIDAA KA WAQT E BOJHAL AUR WO HASRAT KI NAZAR
DIL PE IK SANG E GARAAn WO BEWAFAA PHIR DHAR GAYA
HO GAYA THA KAL GUZAR YAADON KE QABRASTAN SE
IS BALAA KA SHOR THA, BESAAKHTA DIL DAR GAYA
AJNABI KOI MUSAAFIR JAISE GUZRE RAAH SE
MERE PEHLOO SE WO IS ANDAAZ SE UTH KAR GAYA
PHIR BHI KHAALI HI RAHA DAAMAN MURAADOn SE MAGAR
IS JAHAAN E AARZOO MEN DIL MERA DAR DAR GAYA
SEE LIYE THE MAIN NE TO 'MUMTAZ' APNE LAB TALAK
ISLIYE SHAAYAD HAR IK ILZAAM MERE SAR GAYA
********************** |
|