* HAZAARON RAAH MEN KOHSAAR HAAIL KARTI JAATI HAI *
HAZAARON RAAH MEN KOHSAAR HAAIL KARTI JAATI HAI
MERI TAQDEER MUJH KO LAMHAA LAMHAA AAZMAATI HAI
KABHI MAR MAR KE JEETA HAI, KABHI JEENE KO MARTA HAI
YAHAN INSAAN KO US KI HI HASRAT KHAAE JAATI HAI
BASHAR MAJBOORIYON KE HAATH MEN BAS IK KHILAUNA HAI
NAZAARE KAISE KAISE MUFLISI HAR SOO DIKHAATI HAI
KOI PEETA HAI GHAM, KOI LAHOO INSAAn KA PEETA HAI
GHARIBI SAR PATAKTI HAI SIYAASAT MUSKRAATI HAI
NA JAANE KITNE CHEHRE ODH KAR AB LOG MILTE HAIN
YAHAN INSAAN SE INSAANIYAT NAZREN CHURAATI HAI
SHIKASTAA PAA HAIN LEKIN HAUSLA HAARA NAHIN HAM NE
UTHO YAARO SADA DE KAR HAMEN MANZIL BULAATI HAI
CHARAAGHAAn YUN BHI HOTE HAIN HAMAARE RAASTE AKSAR
TAMANNA HAR QADAM PAR SAIKDON SHAM'EN JALAATI HAI
YE KIS KI AAHATEN 'MUMTAZ' MERE SAATH CHALTI HAIN
TAJALLI REZA REZA KAUN SI KHIRMAN SE AATI HAI
********************** |