* ABAS HAR AARZOO THEHRI HAIN SAARE KHWAAB BEGAANE *
ABAS HAR AARZOO THEHRI HAIN SAARE KHWAAB BEGAANE
TASAWWAR NE BUNE HAIN KITNE HI BEBAAK AFSAANE
ABHI TO ZEHN SE KHOON E TAMANNA SAAF KARNA HAI
ABHI HAM AAE HAIN JAZBAAT KI MAYYAT KO DAFNAANE
AJAB SA IK NASHAA HAI ASHK PEENE MEN BHI AEY YAARO
KHULE HAIN GHAMKADON MEN BHI NA JAANE KITNE MAYKHAANE
SIRAA MILTA NAHIN ULJHI HUI IS ZINDGAANI KA
NA JAANE KAB SE BAITHI HOON MAIN IN DHAAGON KO SULJHAANE
KAHAN GUM HO GAYA BACHPAN KA WO MAASOOM SA AALAM
NA WO ULFAT NA WO MASTI NA WO MUKHLIS SE YAARAANE
KAHIN DHOONDE SE BHI APNA NAZAR AATA NAHIN KOI
YAHAN IS MOD PAR YUN TO SABHI CHEHRE HAIN PEHCHAANE
MAIN KAB SE SOCH MEN GUM HOON, KISE DHOONDOON, KAHAN JAAUN
NA JAANE KYA JAGAH HAI YE SABHI RASTE HAIN ANJAANE
BADI MUSHKIL SE HAM NE DIL KA HAR REZAA SAMBHAALA THA
HAZAARON HASRATEN PHIR AA GAI HAIN HAM KO BEHKAANE
WAHI GIRIYAAN WAHI WAHSHAT WAHI HAR SIMT TAAREEKI
KAHAN LE JAAEN AB 'MUMTAZ' HAM IS JEE KO BEHLAANE
********************** |