AABIDA DEKHA?
WAHI THA NA?
WAHI TO THA WO
PAAS SE GUZRA
MAGAR AISE KE DEKHA BHI NAHIN
DEKHNA KAISI SAZA DUNGI MAIN IS KO AB KE
AAEGA MILNE
TO MAIN BHI ISE DEKHUNGI NAHIN
DEKHNA TU KE MAIN IS SE KABHI BOLUNGI NAHIN
 
2.
JAANE WO KAUN SI ULJHAN MEN GHIRA HOGA KAL
JAB KE KAL RAAH PE MUJH KO BHI NA DEKHA US NE
JAANE KYA GHAM HAI USE, KAISI KASHAAKASH MEN HAI WO
HAAI MAR JAAUN, KE MAIN NE USE POOCHHA BHI NAHIN
KAASH GHAM US KE KALEJE MEN CHHUPA LETI MAIN
AB WO MILTA TO USE DIL SE LAGA LETI MAIN
 
3. 
AISA LAGTA HAI KISI AUR KA HO BAITHA HAI WO
ISLIYE US NE MUJHE RAAH MEN DEKHA BHI NAHIN
MUJH KO MAALUM THA
AISI HI HAI YE MARD KI ZAAT
KAISE HANS HANS KE PADOSAN SE KIYE JAATA THA BAAT
AUR KEHTA HAI
MAIN BEWAJH KA SHAK KARTI HOON
US PE ILZAAM BILAWAJH KE MAIN DHARTI HOON
 
4.
DEKHNA TU KE KABHI US SE NA MAIN BOLUNGI
LAAKH SAMJHAAE MAGAR KUCHH NA SUNUNGI MAIN BHI
IK JAHAN US NE NAYA APNA BANAYA HAI AGAR
SAAT RANGON KE KAI KHWAAB BUNUNGI MAIN BHI
 
5.
AAJ KA VAADA THA
LEKIN NAHIN AAYA AB TAK
JAANE KYA BAAT HAI
KYUN US NE BADAL LIN NAZREN
EK KHAT LIKKHOON USE
AUR YE POOCHHUN..........
.............LEKIN.............
KOI MILNE KI HI SOORAT MAIN NIKAALOON.............
.............LEKIN..............
TAAQAYAMAT MAIN RAHUN MUNTAZIR US KI...........
........................LEKIN......................