* BECHAINI JAB HAD SE BADHI HAR KHWAAB ADHOORA TOD DIYA *
BECHAINI JAB HAD SE BADHI HAR KHWAAB ADHOORA TOD DIYA
HAR HASRAT HAR RANJ O ALAM KO MAIN NE PEECHHE CHHOD DIYA
JOSH E JUNOO.N JAB RAQS MEN AAYA HAR DEEWAR GIRA DAALI
HAAIL THI JO RAAH MEN MUSHKIL US KO BADH KAR TOD DIYA
JALTI RAAH PE CHALNE SE JAB PAAON NE INKAAR KIYA
PHIR MACHLI HAI ZID NE MERI PHIR SE CHHAALON KO PHOD DIYA
NASSHA THA PURKAIF KE HAM NE QATRA QATRA PEE DAALA
BADZAN HAI AB ZEEST KE HAM NE HAR IK DARD NICHOD DIYA
JALTE HUE SEHRA KE MANZAR AANKHON MEN JAB CHUBHNE LAGE
DEKHO TO HAM NE KAISE HAR CHAAHAT KA RUKH MOD DIYA
TOOTE PHOOTE BIKHRE DIL KA HAR TUKDA BEQEEMAT THA
PHIR SE SAMETA HAI DIL KO PHIR KIRACH KIRACH KO JOD DIYA
ANDESHA JAB JAB BHI HUA HAI HAM KO MAAT KA BAAZI MEN
MASLEHATAN BHI AKSAR HAM NE APNE DIL KO TOD DIYA
BOJH KAHAN TAK DHOTE HAM ANJAAN SAFAR MEN AB IN KA
JHUNJLA KAR 'MUMTAZ' HAR IK ZAKHMEE HASRAT KO CHHOD DIYA
******************* |