* AISA JAMOOD ROOH PE TAARI HUA KE BAS *
AISA JAMOOD ROOH PE TAARI HUA KE BAS
KUCHH YUN CHALI BAHAAR MEN THANDI HAWA KE BAS
GHABRA KE IBTEDA HI MEN KYUN KEH DIYA KE BAS
"KUCHH AUR BHI SUNOGE MERA MAAJRA KE BAS"
HAM TO KISI SITAM KA GILA BHI NA KAR SAKE
KUCHH IS TARAH SE US NE KAHA MUDDA'AA KE BAS
JASHN E QAZAA E MEHR E MUNAWWAR THA SHAM KO
AISI CHAMK RAHI THI UROOSI QABAA KE BAS
MAJBOORIYON KA KOH E GARAA.N TODTE HUE
AISE HUE SHIKASTA MERE DAST O PAA KE BAS
GIR KAR BALANDIYON SE ZAMEE.N PAR BIKHAR GAEY
TOOTA KHUMAAR E ZAAT TO AISA LAGA KE BAS
US KI INAAYATEN BHI AZAABON SE KAM NA THIN
WO INTEHAA KHULOOS KI KEHNA PADA KE BAS
AISE TADAP KE TOOTA ANAA KA GHUROOR BHI
DIL MEN WO DARD AB KE TO KUCHH YUN UTHA KE BAS
RANGEENI E FAREB E MOHABBAT NA POOCHHIYE
LAB NE KAHA KE SHUKRIYA DIL NE KAHA KE BAS
IK SILSILA SARAAB KA AUR TASHNAKAAM HAM
'MUMTAZ' WO HAYAAT KE KARB O BALAA KE BAS
****************** |