Mujhse bichhar gaya tou bohot yaad aayega

Ye dil juda hua tou bohot yaad aayega

Humko ye zindgi bhi mili hai bas ek baar

Gar wo nahi-n mila tou bohot yaad aayega

Dil mein hare k samt khile hain gulaabi phool

Gulshan ujar gaya tou bohot yaad aayega

Sab raasto-n ko chhor kar aaye hain is taraf

Ye dar nahi-n khula trou bohot yaad aayega

Baanti hai zindgi ne har ik shaqs ko khushi

Wo ghamzada raha tou bohot yaad aayega

ANJUM hare k samt hai raushan, jo mera dil

Taareek reh gaya tou bohot yaad aayega