Hasrate-n yun tou bohot thei-n teri hasrat ke siwa

Humne maanga nahi-n kuch bhi teri chahat ke siwa

Aur kuch roz samajh lo abhi zakhmo-n ka mizaaj

Haath phir kuch nahi-n aayega nadamat ke siwa

Reh gaya phir wohi daaman mera khaali khaali

Mil gaya sab mujhe ik uski mohoabbat ke siwa

Zindgi yun hi guzar jaati hai chalte chalte

Kuch nahi-n karte kayi log shikayat ke siwa

Uspe  ilzaam lagaate rahe hum bhi ANJUM

Kaum tha saath hamare bhala qismat ke siwa

*********************