rishta online logo
newsletter
rosemine
Bazme Adab
Google   Site  
Bookmark and Share 
design_poetry
Share on Facebook
 
Mushtaque Darbhangwi
 
Share to Aalmi Urdu Ghar
* مجھے کچھ اس پہ حیرانی نہیں ہے *
مجھے کچھ اس پہ حیرانی نہیں ہے
تری آنکھوں میں جو پانی نہیں ہے

فنا فی اللہ ہوجائے جو انساں
فنا ہوکر بھی وہ فانی نہیں ہے

یقینا اُس میں کوئی بات ہوگی
یہ دنیا یوں ہی دیوانی نہیں ہے

خزاں کا ہاتھ اس میں ہے یقینا
فضا گلشن کی جو دھانی نہیں ہے

کسی مجبور کا حق مار لینا
گدائی ہے یہ سلطانی نہیں ہے

خوشی حاصل ہے اُس کو مجھ سے مل کر
مگر چہرے پہ تابانی نہیں ہے

ہوا کے رُخ پہ اے مشتاقؔ چلنا
خرد مندی ہے نادانی نہیں ہے

**************
 
Comments


Login

You are Visitor Number : 252