|
* Jaam diya hai choom kar aur suruur baRh gaya *
Jaam diya hai choom kar aur suruur baRh gaya
Khoon me phool khil gaye aaNkh me nuur baRh gaya
Khub uRa liya Ghubaar, ghum chuke har ek dyaar
Faayedaa dil ko kuchh nahi, dard zaruur baRh gaya
Haath Khata ka thaam le, ‘afv O ataa se kaam le
Bandish O ehtesaab se, jurm O qusuur baRh gaya
Us ne nigaah pher kar raasta de diyaa mujhe
Bojh wahiN utaar kar maiN bhi huzuur baRh gaya
Haal ‘Muzaffar’ aap ka, Ghair tha yuNhi ishq meN
Aur banaam E shaairy, ek futuur baRh gaya
*********** |
|