* رہبرِ انس و جاں میرے پیارے نبیؐ *
نعت پاک
رہبرِ انس و جاں میرے پیارے نبیؐ
روحِ کون و مکاں میرے پیارے نبیؐ
عرش سے فرش تک فرش سے عرش تک
رونقِ دو جہاں میرے پیارے نبیؐ
بے کسوں ، بے بسوں ، بے نوائوں کے بھی
آپؐ ہیں پاسباں میرے پیارے نبیؐ
نعت لکھتی رہوں نعت پڑھتی رہوں
میری جب تک ہے جاں میرے پیارے نبیؐ
آپؐ بحرِ شفا ، آپؐ بحرِ کرم
آپؐ راحت رساں میرے پیارے نبیؐ
آپؐ کے آستاں پہ ہے پھیلا ہوا
دامنِ آسماں میرے پیارے نبیؐ
آپؐ ہی کے کرم سے یہ افشاں بنی
آپؐ کی نعت خواں میرے پیارے نبیؐ
نائلہ اختر افشاں
Amritsar, Punjab
بشکریہ ’’عندلیبانِ طیبہ‘‘ مرتب: مشتاق دربھنگوی
…………………………………… |