منیر سیفی

نام:سید امان اللہ۔ولدیت:سید امیر الدین احمد قادری: وطن۔ سہسرام۔پیشہ۔ملازمت ۔تصانیف:1 ۔اجنبی صدا۔۲۔ دُعا کا شجر

اے آسمانِ کرم اتنا زمیں پر کردے
سمیٹ لے سبھی تاریکیاں سحر کردے
کسی سے قصۂ شہر طلسم کہ نہ سکوں
الٰہی بے حس و بے نطق و بے بصر کردے
تمام عمر ہم اک دوسرے سے مل نہ سکیں
سفر جدائی کا اتنا طویل تر کردے
ہنوز چیر ہرن کا ہے سلسلہ جاری
کوئی کرشن کنھیاّ کو یہ خبر کردے
یہ خوشبوئوں کی قباء گُل کی چھائوں ، اُ س کیلئے
منیرؔ کے لئے مخصوص دوپہر کردے
٭٭٭٭