حمد

اے خدا ہے رحیم اور رحماں تو ہی
صرف تیرے لئے وقف ہے بندگی

تو جو راضی تو ہر کوئی راضی رہے
تیرے دربار سے منسلک ہر خوشی

تو کہے کن تو دنیا کی تخلیق ہو
تیری نسبت سے معمور ہے زندگی

تیری حکمت پہ قائم ہے سارا جہاں
تیری حکمت نہیں پھر تو ہے بے بسی

تیرے در پہ ہے نرگس کی یہ التجا
نورِ حق سے منور رہے زندگی

نجیبہ خانم نرگس

Flat No.181, Block-18, Jeevan Mithra Colony
J.P.Nagar, Ist Phase, Banglore-560078 (Karnataka)
Mob: 9880919101
بشکریہ ’’غزالانِ حرم‘‘ مرتب: مشتاق دربھنگوی
……………………………………