|
* nahiN k tanha dil-e-raaeigaN ne khaincha hay *
nahiN k tanha dil-e-raaeigaN ne khaincha hay
malaal-e-shab to yahaN ik jahaN ne khaincha hay...
ye saniha bhi baRy sanihoN meiN shamil kr
mujhy zameeN ki taraf aasmaN ne khaincha hay
kabhi ham us ko kabhi khud ko dastyaab na thy,
ye dohra ranj dil-e-natawaN ne khaincha hay...
bahaar-e-gham ko chaman meiN qaraar hay, keh bohat,
shajar shajar isy daur-e-khizaN ne khaincha hay...
youNhi nahiN hua hay aaeiny ko zaam-e-jamaal,
tera khyaal kisi khush gumaaN ne khaincha hay...
|
|