غزل

محوِ رقصاں ہوئی ہستی ترے اکرام کے بعد
جب ملی راحتِ جاں گردشِ ایام کے بعد
لٹ گئی زیست اجالوں کی مسیحائی میں
درد آنکھوں میں سمٹ آئے ہیں پھر شام کے بعد
غم کی ان کالی گھٹائوں سے ہمیں کیا ڈرنا
روز ہوتی ہے نمودار سحر شام کے بعد
جذبۂ عشق کی معراج یہی ہے شاید
اب کوئی نام نہیں جچتا ترے نام کے بعد
شوقِ منزل میں ہوئے دور بہت منزل سے
رہنمائوں نے ہمیں لوٹا ہر اک گام کے بعد
رندِ مشرب ہوں مجھے دنیا سے ہے کیا مطلب
’’مجھ کو رہتی ہی نہیں اپنی خبر شام کے بعد‘‘
دور اس فعلِ قباحت سے بہت رہتا ہوں
جس سے احساسِ ندامت ہو مجھے کام کے بعد

نسیم اخترؔ

54, Cowez Ghat Road, 3rd Floor
Shibpur, Howrah-711102
Mob: 9831143460 / 9330615306
بشکریہ ’’میر بھی ہم بھی‘‘	مرتب: مشتاق دربھنگوی
………………………