* اپنا غم ہے بس متاعِ زندگی *
غزل
اپنا غم ہے بس متاعِ زندگی
ہے یہی دولت قبائے زندگی
عیش و عشرت ہی میسر ہوں مجھے
مانگی کب ایسی دعائے زندگی
اے خدا تو اپنی رحمت سے نواز
تار تار اب ہے ردائے زندگی
رنج و راحت کو برابر جاننا
ہے حقیقت میں بِنائے زندگی
اپنی عمرِ رفتہ کی محرومیاں
کس طرح آخر بھلائے زندگی
تنگ دامانی نے وسعت چھین لی
دامنوں میں کیا چھپائے زندگی
موج میں نسریںؔ سفینہ ہے گھرا
ہے خدا ہی ناخدائے زندگی
ڈاکٹر) نسرینؔ سلطانہ)
Mah: Sarai Sattar Khan
Laheria Sarai
Darbhanga (Bihar)
Mob: 9835849040
…………………………
|