سر میں جنون، پائوں میں باندھے بھنور چلا
منزل پہ پہنچا۔۔۔۔۔۔۔۔ لے کے جو زاد سفر چلا
 
کیسے یقیں ہو۔۔۔۔۔ اس نے ہے رستہ بدل لیا
ہاتھوں میں ہاتھ ڈال کے جو ۔۔۔۔۔۔عمر بھر چلا
 
کرنا تھا خود۔۔۔۔۔۔۔ علاج، مجھے اپنے زخم کا
امید توڑ کر ۔۔۔۔۔۔۔۔۔۔۔۔۔۔۔۔۔۔۔ جو مرا چارہ گر چلا
 
پردیس نے دکھائے اسے۔۔۔ خواب کچھ ضرور
اپنوں کو چھوڑ ا ۔۔۔ چھوڑ کے جو اپنا گھر چلا
 
بے فکر کر دیا مجھے۔۔۔۔۔۔۔۔۔ رہزن کی خیر ہو
ہیں خالی ہاتھ، لٹنے کا اب دل سے ڈر چلا
 
جس کو تمام عمر، سنوارا تھا شوق سے
وہ شخص۔۔۔۔۔۔ کاٹ کے میرا دست ہنر چلا
 
کس دل سے دیکھتا وہ گھروندے کو ٹوٹتے
پانی میں بہتے۔۔۔ چھوڑ کے، دیوار و در چلا
 
پھر ڈگمگا رہی ہوں، بھٹکتے ہیں پھر قدم
ناصح، نصیحتوں کا تری۔۔۔۔۔۔۔۔۔۔۔لے اثر چلا
 
دنیا یہ کم نہیں کسی عبرت سرائے سے
اٹھا یہاں سے جو بھی وہ با چشم_ تر چلا
 
کب تک جیئیں گے بول۔۔۔۔۔۔۔ترے انتظار میں
’’اب آ بھی جا ۔۔۔۔۔ کہ صبر کا پیمانہ بھر چلا‘‘
*************