خواب لمحے میں۔۔۔۔ ہے دل ایسا گرفتار اب تک
دل میں لرزاں ہے۔۔۔۔۔۔۔ ترا شعلہ رخسار اب تک
 
بھید کچھ اور ہر اک بھید کے پیچھے تھے چھپے
ہم پہ کھل پائے کہاں عشق کے اسرار اب تک !!
 
آنکھیں پتھرا گئیں ۔۔۔۔۔۔۔۔۔۔۔دروازے پہ رکھے رکھے
کیا یہ دنیا ہے ۔۔۔۔۔۔۔۔۔۔۔۔تری راہ کی دیوار اب تک ؟
 
عمر بھر سہتے رہے جن کے ستم ، یا وحشت
ہم انہی کے ہیں رہے کیسے طرفدار اب تک ؟
 
کس سہولت سے اسے ہم نے بھلا ڈالا تھا
چبھتے ہیں روح میں پر،یادوں کے وہ خار اب تک
 
اپنی اقدار کو۔۔۔۔۔۔۔۔۔۔۔ جو دل سے لگا کر رکھیں
ہیں زمانے میں۔۔۔۔۔۔۔ کئی لوگ وضع دار اب تک
 
تاب نظارگی ایسی تھی کہاں، غیرت عشق
کیسے دیکھا تھا اسے، دل ہے گنہگار اب تک
**********