بھٹکتے ہیں کب سے تری جستجو میں
" ہمیں جی سے مارا۔۔۔۔۔ تری آرزو نے "
 
کہاں ہے تری تاب۔ نظارہ۔۔۔۔۔۔۔۔۔۔۔۔۔۔۔۔ بولو
یہ پوچھا ھے مجھ سے اک آئنہ رو نے
 
تری دوستی دیکھ کر۔۔۔۔۔۔۔۔۔ سوچتی ہوں
کبھی دشمنی ایسی کی ھے عدو نے؟
 
تجھے اور ہی کچھ سمجھتے تھے ابتک
تجھے ہم پہ کھولا ۔۔۔۔۔۔۔۔۔۔تری گفتگو نے
 
عبادت میں کچھ بیخودی، جذب و مستی
ملا کر تو دیکھو ۔۔۔۔۔۔۔۔۔۔۔۔۔۔۔ کہا یہ سبو نے
 
سماعت کی جنت ہیں کچھ بول میٹھے
کسے فیض بخشا ۔۔۔۔۔۔۔۔ یہاں ہائو ہو نے
 
گرو نے کہا ھے کہ "بس عشق کافی"
غضب بات کہہ دی ھے میرے گرو نے
*******