|
* Hai yaad ab tak nazar maiN jugnoo, laboN maiN rangeeN gulaab rakhna *
Hai yaad ab tak nazar maiN jugnoo, laboN maiN rangeeN gulaab rakhna
Mehektey phooloN, shafaq key rangoN key apni palkoN maiN khawab rakhna
JunooN ko kerna raheene minnat, nafas nafas ko sharaar ker key
Lahoo maiN aatish samaitey rehna, ragoN maiN behti shraab rakhna
wisaal,e janaaN key arghawaani sey rang Bharna fishaar,e khooN maiN
Suroor.e Sehbaa saa jism o jaaN maiN, khumaar saa be,hisaab rakhna
Kisi sey izhaar.e haal ker key khood apni juraat pe rehna hairaN
Woh mo,jizoN per yaqeen laana, woh walwaloN per shabaab rakhna
Woh raag deepak sey soz laina, saraapa kaif.e malhaar rehna
Woh jism o jaaN ko sarod karna, woh tan badan ko rubaab rakhna
************* |
|