* Woh kehta hai *
Woh kehta hai
ke uss ko ishq hai
mujh say....
agar yeh ishq hai
tau kiyooN bhala
hota hai iss tarah
zara si ikk Ghalat fehmi say
kiyooN uss kay rawayyay maiN
ajab ikk ajnabiyat si
ajab begaangi si
jaisay darr aaye
zara say iKhtalaaf e raaey per
unn mehrbaaN aankhoN maiN
kaisi sard mehri si uttar aaye
ke jo nass nass maiN mairi
jaisay koi barf si bhar day
zara si dair maiN goya
woh mujh ko be-amaaN ker day
Agar yeh ishq hai
tau kiyooN bhala
hota hai iss tarah ????
********** |