Yad nahi kya kya dekha tha sare manzar bhul gaye 
us ki galiyon se jab laute apana bhi ghar bhul gaye 
Khub gaye pardes ki apane divar o dar bhul gaye 
shish mahal ne aisa ghera mitti ke ghar bhul gaye 
Tujh ko bhi jab apani qasamay apane vade yad nahi 
ham bhi apane khvab teri ankhon may rakh kar bhul gaye 
Mujh ko jinhone qatl kiya hai koi unhen batalaye "nazeer" 
meri lash ke pahalu may vo apana khanjar bhul gaye