غزل

جو میٹھی بات اکثر بولتا ہے
وہی تو زہر دل میں گھولتا ہے
قسم کھاتا ہے جو منصف کے آگے
ضروری تو نہیں سچ بولتا ہے
لگا ہے عیب جوئی میں جو سب کی
وہ خود ہی عیب اپنا کھولتا ہے
عیاں ہوجاتی ہے چہرے سے الجھن
زباں سے جب نہیں وہ بولتا ہے
نہیں ہے جس میں خودداری ذرا بھی
وہی خوددار خود کو بولتا ہے
ہو دل میں جب پریشانی کا عالم
تو پتے کی طرح دل ڈولتا ہے
زباں پہ رکھ کے سچ ہر وقت راہی
زمانے سے بُرائی مولتا ہے

نظیر راہی

4, Haran Bari, 1st Lane
Kolkata-700073
Mob: 9831951871 / 8013561781
بشکریہ ’’میر بھی ہم بھی‘‘	مرتب: مشتاق دربھنگوی
………………………