حمد

اے بے کسوں کے مولیٰ سب کے لئے کنارا
سب پہ کرم تمہارا ، دو دو مجھے سہارا

عصیاں کے کالے بادل چھائے ہوئے ہیں ہرسو
رحمت کا نور کوئی ، چمکا دو اب خدارا

کانٹوں بھرا ہے جیون ، مشکل میں زندگی ہے
کردو نوازشوں سے پھولوں بھرا نظارا

سارے جہاں میں تیرا عالی مقام یارب!
بے شک نہیں کسی کو اس مرتبے کا یارا

دونوں جہاں میں تیرا افضل ترین رتبہ
ظاہر ہو یا ہو باطن سب پر ہے آشکارا

بے بس ہوں ، بے سہارا ، ہوجائے اب کرم کچھ
گھبراکے دل پکارے ، دے دو مجھے سہارا

میں تو نگار بانو ہوں ، ناز ہے تخلص
میں اک حقیر ذرّہ ، مجھ کو ترا سہارا

نگار بانو ناز

52/B, Taltala Lane,
Kolkata-700016
Mob: 9830919836
بشکریہ ’’غزالانِ حرم‘‘ مرتب: مشتاق دربھنگوی
……………………………………