آنکھوں سے مرے دل میں اُتر کیوں نہیں جاتا
خوشبو ہے اگر وہ تو بکھر کیوں نہیں جاتا

اک زخم محبت کا لگا تھا کبھی مجھ کو
وہ زخم محبت کا اُبھر کیوں نہیں جاتا

 دو چار قدم چلنا گوارا نہیں جس کو
وہ شخص مرے دل سے اتر کیوں نہیں جاتا

اک پل بھی تری یاد سے غافل ہی نہیں وہ
اتنی سی خوشی پاکے وہ مر کیوں نہیں جاتا

دھڑکن ہے وہی دل کو وہی راحتِ جاں بھی
پھر دھیان ہمارا بھی اُدھر کیوں نہیں جاتا

اک پل کے لئے مجھ کو ملا ہی نہیں جب وہ
پھر اُس کے بچھڑ جانے کا ڈر کیوں نہیںجاتا

کھوئی ہے نگارؔ آج تری یاد میں کب سے
موسم تری یادوں کا گزر کیوں نہیں جاتا
*************