نعت پاک

اے شہنشاہِ دیںؐ! دل بہت ہے حزیں، میرے غم کی خدارا دوا کیجئے
کوئی اپنا نہیں میرا اِس دیس میں، اپنی نگری میں مجھ کو بلا لیجئے

غم کی لمبی سیہ رات ڈھلتی نہیں اور اُمید کا دن نکلتا نہیں
اک نگاہِ کرم ڈال کر یا نبیؐ ، میری تقدیر کو جگمگا دیجئے

میرا دل بھی جھکا، میرا سر بھی جھکا ، آپ کے آستانے پہ یا مصطفیٰؐ
اب کہیں اور جانا نہیں ہے مجھے ، آپؐ ہی بس مجھے آسرا دیجئے

اس جہاں میں نہیں آپؐ جیسا سخی ، آپؐ کے در سے خالی نہ لَوٹا کوئی
میری جھولی بھی کب سے ہے خالی پڑی ، کچھ نواسوں کا صدقہ عطا کیجئے

نور و نکہت کی برکھا برستی رہے ، آپؐ کا آستانہ دمکتا رہے
مجھ بھکارن کی اتنی سی فریاد ہے ، سبز گنبد کے درشن کرا دیجئے

نکہت سلطانہ

D-2, Salim Sentre, Sector-11-I,
North Karachi (Pakistan)
Mob: 03072589046
Email: ejaz.nazish@gmail.com
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………