* "مجھے تم سے محبت ھے" *
فضا میں جیسے کویٔ خوشبوؤں کا رقص جاگا ھے
سنھری تتلیاں
پھر سے گلابوں کے لبوں کو چھو کے آیٔ ھیں
درختوں کی کھلی بانہوں میں ساۓ بات کرتے ھیں
اداسی اشک آنکھوں میں لیۓ اب دور جا نکلی
اسی ڈھلتے ھوۓ دن کی منڈیروں پر
چراغِ شام جلتا ھے
تو دستِ مہرباں جیسے
مِرے آنچل کے کونے سے وفا کا ایک لمحہ باندھ دیتا ھے
مِرے صحنِ ہنر میں حرف و معنی کی تلاوت سانس لیتی ھے
کویٔ روشن ستارا مسکراتا ھے
سمندر گیت گاتا ھے
کمالِ عہدِ مستی ھے
جہاں پر موسمِ جاں بھی بہت حیران لگتا ھے
کویٔ چہرہ مِرے دل کے بدن سے آن لگتا ھے
یہی چپکے سے کہتا ھے
"مجھے تم سے محبت ھے"
"مجھے تم سے محبت ھے"
********************** |