* سمندر کا سفر ھے رتجگا ھے *
سمندر کا سفر ھے رتجگا ھے
دِیا اک پانیوں پر جل رھا ھے
افق پر دُور اک نیلا ستارہ
مرے ھمراہ شب بھر جاگتا ھے
اڑانوں سے تھکا ہارا پرندہ
سنہرے پانیوں پہ آ گِرا ھے
مرے دِل کی ھتھیلی پر کسی کا
کویٔ پیغام لکھا رہ گیا ھے
عجب ھے ھجر موسم کی کہانی
بدن کا رنگ پھیکا پڑ گیا ھے
ھوا نے آج کیسی بات کہہ دی
گلوں کا حوصلہ بکھرا ھوا ھے
مہکتی ھے مرے دِل کی حویلی
کویٔ دیوار و در میں بولتا ھے
******************** |