Aankhon Mein Raha Dil Mein Utar Kar Nahi Dekha 
Kashti Ke Musafir Ne Samander Nahi Dekha
Kashti = Ship;
Be Waqt Ager Ghar Jaon Ga Sab Chonk Parein Gey 
Ik Muddat Hui Din Me Kabhi Ghar Nahi Dekha
Chonk = Surprised; Muddat = Period
Jis Din Se Chala Hon Meri Manzil Pe Nazar Hai 
Aankhon Ne Kabhi Mail Ka Pathar Nahi Dekha
Manzil = Destiny;
Yaaron Ki Mohabbat Ka Kar Liya Yaqeen Mein Ne 
Phoolon Mein Chupaya Hua Khanjar Nahi Dekha
Yaqeen = Believe; Khanjar = Knife
Ye Phool Mujhe Koi Wirasat Mein Mile Hain 
Tum Ne Mera Kanton Bhara Bistar Nahi Dekha
Wirasat = Inheritance; Kanton = Thorns; Bistar = Bed
Pathar Mujhe Kehta Hai Mera Chahne Wala 
Mein Mom Hun, Us Ne Mujhe Chu Kar Nahi Dekha
Mom = Wax
Wo Shakhs Mere Masail Ko Samajh Nahi Sakta 
Jis Ne Meri Aankhon Mein Samander Nahi Dekha
Masail = Problems
****