غزل

مہتاب رُتیں آئیں تو کیا کیا نہیں کرتیں
اس عمر میں تو لڑکیاں سوچا نہیں کرتیں

کچھ لڑکیاں انجام نظر ہوتے ہوئے بھی
جب گھر سے نکلتی ہیں تو سوچا نہیں کرتیں

یاں پیاس کا اظہار ملامت ہے گنہ ہے
پھولوں سے کبھی تتلیاں پوچھا نہیں کرتیں

آنگن میں گھنے پیڑ کے نیچے تری یادیں
میلہ سا لگا دیتی ہیں اچھا نہیں کرتیں

قسمت جنہیں کردے شبِ ظلمت کے حوالے
آنچل وہ کسی نام کا اوڑھا نہیں کرتیں

جو لڑکیاں تاریک مقدر ہوں کبھی بھی
راتوں کو دیے گھر میں جلایا نہیں کرتیں

نوشیؔ گیلانی

2/52, Sixth Ave
Campsie NSW 2194
Sidni (Australia)
Mob: 61421523429
noshigilani@gmail.com
بشکریہ جانِ غزل مرتب مشتاق دربھنگوی

…………………